الربح من الانترنت

ما هو البيتكوين وطرق التعدين وكيفيه الاستفاده من كروت الشاشه التى تمتلكها

بسم الله الرحمن الرحيم والصلاه والسلام على اشرف المرسلين سيدنا محمد عليه افضل الصلاه والسلام ، ايه ياعم انت داخل تخطب الجمعه 😆 اكيد لا بس دى احسن بدايه عشان نتكلم عن موضوع مهم بخصوص الفلوس والربح من الانترنت وكده والى بدون اى مبالغه 90% كلام مش حقيقى واستغلال او بمعنى تانى سراب لكن موضوع النهارده غير واكيد انت عارف كده والا مكنش زمانك بتقرأ الكلام ده دلوقتى 😆😆 ما علينا ، نخش فى الموضوع عالطول فى البدايه ايه هو البيتكوين اصلا bitcoin .
البيتكوين هى عمله رقميه (الكترونيه) اى غير ماديه بمعنى مينفعش تمسكها اوتشيلها بايدك وتروح لمحل مثلا تشترى بيها حاجه لكن هى موجوده وبيتم التداول بيها عن طريق الانترنت والمتاجر الاونلاين زى امازون وغيرها البيتكوين بدء من فتره كبيره اكتر من 10 سنين اعتقد ولكن كان بدء بدايه صغيره زى اى حاجه فى الدنيا كان سعرها حوالى 10 سنت تقريبا او اقل ، ولكن مع الوقت ارتفعت ارتفاع رهيب نظرا للاقبال المتزايد عليها ولتداولها بشكل كبير جدا فى كل انحاء العالم وفى بدايه 2011 كان بدايه انفجار البيتكوين وبدأت تسجل معدلات رهيبه لحد ما وصلت النهارده بتاريح1352017 ( الى 1715 دولار امريكى ) انت متخيل احنا بنتكلم عن ايه !.
مخترع العملة دى والى اوجدها هو شخص يابانى اسمه ساتوشى ناكاتوموا وكل المعروف عنه هو اسمه فقط واى صوره او هويه متداوله عنه فهى خاطئه تمام فهو يظل مجهول حتى هذه اللحظه .
تنقسم البيتكوين الى اجزاء اصغر واصغر جزء منها هو الساتوشى والواحد بيتكوين تحتوى على 100 مليون ساتوشى اى ان ال100 مليون ساتوشى تساوى (1715 دولار امريكى ).

طرق الحصول على البيتكوين كتير منها (التجميع – التعدين – التداول ) وهنتكلم عن كل جزء منها بالتفصيل

اولا : – ( التجميع )
وده بيتم عن طريق تجميع الساتوشى من مواقع مخصصه لكده بتسمى الصنابير عن طريق انك بتسجل بس لينك المحفظه بتاعتك ( هنتكلم عن ايه هى المحفظه كمان شويه ) وطول ما انت فاتح الموقع بيديك عدد معين من الساتوشى كل مده كل دقيقه مثلا كل 5 دقايق على حسب قواعد وقوانين الموقع هى فكره التجميع كويسه لكن ممكن تبدء بيها بس مش اكتر لان هى متعبه الحقيقه والعائد بتاعها قليل جدا بالنسبه للطرق التانيه فانت لو حابب تجمع خلى التجميع بدايه بس وبعد كده خش على الى بعده =D . 

ودى لينكات اهم المواقع الى بتحتوى مواقع الصنابير :-
مواقع بتديك علي حسب الوقت يعني كل لما تسيبة مده اكبر يجمعلك ساتوشي تقدر تجمع الساتوشي براحتك كل يوم اتنين 10 براحتك
الاول : اضغط هنا 
التاني : اضغط هنا 
التالت : اضغط هنا 

موقع بيديك كل ساعة من 500 لـ 6000 ساتوشي
للدخول الى الموقع : اضغط هنا 

مواقع بتديك كل 10 دقائق من 200 لـ 3000 ساتوشي

للدخول الى الموقع الاول : اضغط هنا 
للدخول الى الموقع التاني :اضغط هنا 
موقع بيديك ساتوشي من الضغط علي الاعلانات اليومية

للدخول الى الموقع : اضغط هنا 

يعتبر اهم موقع هتقابله لانه بيحتوى على عدد كبير جدا من مواقع الصنابير  ebay للدخول الى الموقع : اضغط هنا

بتسجل لينك المحفظه وتعمل حساب بس مش اكتر

faucthub وهو عباره عن موقع يحتوى على العديد من مواقع الصنابير ويخبرك ايها يدفع ونسبه الدفع ومده عمل الموقع بصراحه موقع رهيب للدخول الى الموقع : اضغط هنا

ودى تعتبر بعض مواقع التجميع ومش كلها اكيد انت حاول تدور على اكتر لو حابب .
ثانيا:- (التعدين) 
التعدين واضح من اسمه هو بيعبر عن ايه انت بتعدن عن العمله بمعنى بتدور عليها بس العمله مش مدفونه فى الرمل يعنى وانت بتحفر وتجيبها لا العمله عباره عن تشفير رقمى بتفكه خوارزميات جهازك الى بتعدن منه سواء جهاز التعدين الى بتشتريه والى بيبدء سعره من 20 دولار (وهو عباره عن فلاشه تعدين ) الى ممكن 5 الاف او 6 الاف دولار وده جهاز كبير وسعته التعدينيه خارقه .
طبعا مش هقدر اتكلم عن انواع اجهزه التعدين فى المقاله دى والا مش هنخلص بس كل الى اقدر اقولو ان التعدين ممكن عن طريق الاجهزه دى او عن طريق كروت الشاشه لان التعدين عباره عن تشغيل جهاز الكومبيوتر بتاعك او تأجيره بمعنى اصح لتتبع شبكه العمله الرقميه الى انت عاوز تعدنها ( اه بالمناسبه فى عملات الكترونيه تانيه كتير غير البيتكوين ) وبتاخد اجرك مقابل التأجير ده والى هو بيكون جزء من العمله دى طبعا .
الاجور (الناتج التعدينى بتاعك) بيتفاوت طبعا على حسب قوه جهازك والى هو اعتماده على حسب عدد ونوع كروت الشاشه لا اكثر ولا اقل ولا علاقه لها باى امكانيات اخرى للجهاز بس طبعا يفضل الجهاز امكانياته تبقى كويسه عشان تريح كارت الشاشه وميبقاش عليه ضغط دائم.

القوه التعدينيه للكارت بتاعك بتتقاس بوحده الهاش ريت .
لازم تعرف ان البيتكوين مش عمله مركزيه بمعنى مفيش حكومه مسئوله عنها او شركه او اى شخص ولا حتى الى اخترعها لا هى عمله لا مركزيه بمعنى لا عليها رقابه لا على سعرها ولا على تعدينها ولا على اى حاجه من الاخر العرض والطلب هو الى بيحدد سعرها وطبعا الطلب عليها دولقتى يفوق الخيال على فكره .

ثالثا:- ودى اهم طريقه للعمل فى مجال البيتكوين وهى (التداول)
التداول يعنى البيع والشراء والمضاربه باستخدام البيتكوين على منصات التداول الخاصه بيها ومن اشهر المنصات دى منصه بولونيكس  poloniex.com
والطريقه دى قايمه على دراسه كامله للسوق من جميع الجهات ومتابعه المتخصصين والاستفاده منهم والتعلم منهم متى يكون الشراء والانتظار ومتى البيع بس لازم تعرف ان التدوال مش كله ربح لا بالعكس ده فيه خساره واوقات بتبقى خساره كبيره كمان ولكن لازم تتعلم تقبل الخساره وتعويضها .
ده يعتبر كان نبذه بسيطه عن البيتكوين وايه هى وطبعا الموضوع اكبر من كده بكتير ومحتاج ايام عشان نشرحها فانت حاول تجتهد شويه فى التعلم اكتر ومتبقاش متسرع فى او تمل بسرعه عشان البيتكوين يحب الصبر 😏 . 

والسلام عليكم ورحمه الله وبركاته 

مقالات ذات صلة

‫3 تعليقات

  1. تسلم ايدك ع الموضوع الجميل ده بجد ، وياريت يبقى فى مواضيع قادمة بإذن الله بتفاصيل أكتر عن البيتكوين , انا متابع المدونة الجميلة دى بقالى فترة وبجد مدونة هايلة بكل موضوعاتها , وبشكر الأخ الكريم ع المجهود الجميل … وف انتظار القادم بإذن الله .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق